Si Mags Cue, kilala nga entrepreneur ug matagumpay nga founder sa Mags Boutique, gi-appoint isip Philippine Youth National Adviser alang sa Miss Universe Philippines (MUPH) affairs. Si Cue usa ka Kagay-anon pride nga nagsugod sa iyang negosyo diri sa Cagayan de Oro niadtong 2004. Sa iyang bag-ong papel, dala niya ang adbokasiya para sa kabatan-onan nga nag-focus sa leadership, education, ug empowerment sa youth sa tibuok nasud.
Full Overtime Episode: https://www.facebook.com/share/v/15TMenDPCR/
Mags Cue: From Local Entrepreneur to National Leader
Kung suki mo sa Mags Boutique, sigurado akong kaila mo kang Mags Cue, ang negosyanteng nag-establisar ani nga brand nga nagsugod sa atong siyudad ug nagdako ngadto sa 24 ka branches sa Pilipinas. Ang iyang entrepreneurial journey nagpakita sa dedikasyon ug kalig-on. Bisan asa ka sa CDO, makita nimo ang iyang impact sa fashion scene, apan karon, ang iyang impluwensya naglabaw pa sa business world tungod sa iyang leadership role sa MUPH.
Youth Empowerment: Adbokasiya ni Mags Cue
Isip Philippine Youth National Adviser, plano ni Mags Cue nga mag-focus sa paghatag ug opportunities alang sa youth development. Para kaniya, ang kabatan-onan ang kinabukasan sa nasud, ug kinahanglan silang suportahan pinaagi sa pag-mentor, pagsalmot sa mga leadership programs, ug pag-develop sa skills. Matod niya, "Ang pagtan-aw sa kabatan-onan dili lang limitado sa kompetisyon. Kini bahin sa paghulma sa leaders ug paghatag ug platform para sa ilang mga talino."
Partnership with Gerald De Las Alas Ortiz: Usa ka Strategic Move
Ang partnership ni Cue kang Gerald De Las Alas Ortiz, ang founder sa KASAMA Inc. ug Regional Director sa MUPH Quezon Province, nagpakita sa parehas nilang dedication sa youth empowerment. Bisan bag-ohay pa silang nagkaila, dali nilang nasinati ang tinuod nga panaghiusa tungod sa ilang common nga goal ug mutual respect. Ilang gisulti, "Ang beauty dili lamang makita sa gawas, apan gikan kini sa usa ka matahum nga kalag."
Mags Cue’s Vision para sa Cagayan de Oro: Local Impact, National Influence
Ang plano ni Mags dili lang mag-focus sa national level. Gusto niyang ma-amplify ang local talents sa CDO ug maghatag ug mas daghang opportunities para sa atong mga kabatan-on. Gusto niyang makita nga ang mga batan-on sa Cagayan de Oro mahimong leaders ug changemakers, dili lamang sa siyudad apan sa tibuok nasud. Ang iyang mensahe para sa kabatan-onan: “Dare to dream big ug ayaw kahadlok mosulay. Ang atong siyudad adunay daghang potential, ug magsugod kini sa pag-invest sa atong kaugalingon ug sa atong community.”
Pagpadayon sa Suporta alang sa Kabatan-onan
Isip usa ka Kagay-anon nga nakab-ot ang dagkong kalampusan, si Mags Cue usa ka inspirasyon sa tanan, gikan sa mga estudyante hangtod sa mga entrepreneurs. Ang iyang dedication sa youth empowerment nagpamatuod nga kung naa kay vision ug passion, mahimo kang magdala ug kausaban. Karon nga naay usa ka local leader nga nagrepresentar sa Miss Universe Philippines affairs, kita nga mga Kagay-anon kinahanglan mosuporta ug magpadayon sa pag-mentor sa atong kabatan-onan.
Comentarios